Абай облысында «ELL QUATY» заңсыз қаржы пирамидасы ұсталды

Абай облысында «ELL QUATY» заңсыз қаржы пирамидасы ұсталды, деп хабарлайды Arbat.Media.

ҚМА Абай облысы бойынша департаменті тұтыну кооперативі ретінде жасырынған «ELL QUATY» қаржы пирамидасын ұстады.

Ұйым азаматтарды үй мен көлікті пайызсыз береміз деп алдап, оларды бұрынғы атауы «HALYK QUATY» кооперативіне тартқан. «HALYK» бренді заңсыз пайдаланылғаны анықталған соң атауы өзгертілген.

Түскен қаражат «QAZ INFO MARKET» ЖШС арқылы жалған қызмет түрінде шығарылып, 1,5 мыңнан астам адамнан 6,8 млрд теңге жиналған.

Тергеу жұмыстары жалғасуда.