Әйел тірі ұлын «өлтіріп» Түркияда демалып келген

Елордалық әйел әріптестерін алдап, Түркияда демалып келген, деп хабарлайды Arbat.Media.

Декреттік демалыста жүрген 31 жастағы әйел басшысына хабарласып, баласы терезеден құлап, жансақтау бөлімінде жатқанын айтқан. Әріптестері көмек ретінде ақша жинап берген.

Алайда әріптестерінің бірі оның жұбайына хабарласқанда, ер адам баласының аман-есен екенін айтқан. Әйелдің жиналған қаражатты жеке қажетіне, оның ішінде Түркияға демалысқа жұмсағаны анықталды. Алаяқтық дерегі бойынша қылмыстық іс қозғалды.