Әкесін соққыға жыққан Түркістан тұрғынына екі бап бойынша айып тағылды

Бұған дейін әлеуметтік желіде ер адамның өз әкесін қатыгездікпен ұрып жатқан видеосы тараған болатын. Кадрларда ерлі-зайыптының қарияны соққыға жығып, аулада сүйрегені көрінеді, деп хабарлайды Arbat.Media.

Тергеу барысында 40 жастағы ұлы мен келінінің қарияны балалардың көзінше жүйелі түрде соққыға жыққаны анықталды. Марқұмның нақты неден көз жұмғанын анықтау үшін эксгумация жүргізілген.

Нәтижесінде күдіктіге екі бірдей айып тағылды:

адамның дәрменсіз күйін біле тұра азаптау;

денсаулыққа қасақана зиян келтіру.

Қазіргі таңда айыпталушы 10 жылға дейін бас бостандығынан айырылуы мүмкін.