Актер Шәріп Серік нақты не үшін қамалды? Тың дерек

Актер Шәріп Серік тұрмыстық зорлық-зомбылық үшін емес, балағат сөздері үшін сотталған, деп хабарлайды Arbat.media.

Еске салайық, Актер Шәріп Серік сүйіктісіне қол көтергені әлеуметтік желіде шу болған еді. Журналист Ильяс Канбай Шәріп Серікке қатысты үкімнің мән-жайын айтты.

"Үкімнің мән-жайымен таныстым. Былай жазылған: "С бірге тұрып жатқан Б-мен жанжал кезінде балағат сөздер айтқан. Оған әкімшілік баптың бірінші бөлігі "Отбасы-тұрмыстық қарым-қатынас кезіндегі теріс әрекеттер" бойынша айып тағылған. Бұл шапалаққа немесе жұлқылауға қатысты емес, тек кемсіту, төмендету және мүлікті бүлдіру туралы. Ол бойынша ең жоғарғы жаза 5 тәулік", – деп жазды ол.

Журналист мұндай үкім шығуы Алия Бутееваның арыз жазбауымен байланысты болуы мүмкін дейді.