Алдағы күндері ауа райы қандай болады?

Алдағы күндері ел аумағында қар жауады, ал оңтүстік және оңтүстік-шығыс өңірлерде жауын-шашын жаңбыр мен қар түрінде түседі, деп хабарлайды Arbat.Media.

«Қазгидромет» мәліметінше, кей жерлерде боран соғып, көктайғақ болады, сондай-ақ жел күшейеді. Солтүстік-батыс, солтүстік және орталық аймақтар антициклонның ықпалында болады. Бұл өңірлерде тынық, аязды, негізінен жауын-шашынсыз ауа райы сақталады.

Батыс және солтүстік облыстарда ауа райы аязды болады, түнде ауа температурасы -20…-35°С шамасында болуы ықтимал. Кейін ауа температурасы жоғарылайды: батыс пен солтүстікте түнде -7…-20°С-қа дейін, күндіз -2…-12°С-қа дейін болады.

Ал орталық, шығыс және оңтүстік-шығыс өңірлерде ауа температурасы төмендейді: түнде -3…-18°С, таулы аудандарда -15…-23°С, күндіз 0…-7°С, таулы жерлерде -8…-15°С болады.