Алматы тауларында бәйшешек гүлдеді

2024 жылдың қаңтары Алматы тұрғындары үшін өте жылы және қарсыз болды. Фотограф Дмитрий Доценко қыс мезгіліндегі көктемгі гүлдердің суреттерін жариялады, - деп хабарлайды Arbat.media.

Бұл туралы Egemen.kz жазады. Ал видеоны фотограф өзінің Instagram парақшасында жариялады.

«Қыс ортасы. 9 қаңтарда Алматыда бәйшешек гүлдеді. Мен желтоқсанда гүлдердің бүр жарып жатқанын түсіргенмін, олар қаңтарда гүлдеді. Әдетте олар ақпан айында гүлдеуші еді», деп жазды фотограф.

Сондай-ақ ол Алматының таңғажайып қала екенін атап өтті.

«Гүлдер бізді қыс бойы қуантқалы отыр. Тау бөктерінде Алатау шафраны, ал қала маңындағы бақтарда галантустар пайда болды. Алматы − ғажайып қала», деп жазды Д.Доценко.