Алматыда 9 жастағы балаға қатысты жыныстық сипаттағы зорлық фактісі тергеліп жатыр

Алматы қаласында 9 жастағы мектеп оқушысына қатысты жыныстық сипаттағы зорлық-зомбылық жасалған деген күдік бойынша сотқа дейінгі тергеу басталды, деп хабарлайды Arbat.Media.

Полицияға баланың анасы арыз берген. Құқық қорғау органдары күдікті ер адамның жеке басын анықтаған.

Алматы қалалық полиция департаментінің мәліметінше, қазір іс бойынша қажетті тергеу әрекеттері жүргізіліп жатыр.

«Тергеу қорытындысы бойынша Қазақстан заңнамасына сәйкес процессуалдық шешім қабылданады», – деп хабарлады полицияның баспасөз қызметі.