Алматыда марқұм экс-генералдың үйіне түнде қарақшылар шабуыл жасады

Алматы облысында марқұм полиция генералы Жайлаубек Халықұлының үйіне қарақшылық шабуыл жасалғаны белгілі болды, деп хабарлайды Arbat.Media.

Ақпаратқа сәйкес, түнгі уақытта бетперде киген төрт адам үйге басып кіріп, үйдегі әйел мен екі баланы байлап қойған. Кейін күдіктілер шамамен 3 миллион теңге мен алтын бұйымдарды алып кеткен.

Қазіргі уақытта оқиғаның мән-жайы анықталып, тиісті тергеу амалдары жүргізілуде.

Еске салайық, Жайлаубек Халықұлы 2022 жылы жемқорлық ісі бойынша ұсталып, кейін тергеу изоляторында көз жұмған болатын.