Алматыда мопед мінген бір әйел жүк көлігімен соқтығысып мерт болды

Алматыда мопед мінген 54 жастағы әйел жүк көлігімен соқтығысқаннан кейін қайтыс болды, деп хабарлайды Arbat.Media.

Қалалық полицияның мәліметінше, қайғылы оқиға бүүгін, 5 қыркүйекте, сағат 8.50-де болған.

«Howo жүк көлігінің жүргізушісі 54 жастағы әйелдің басқаруындағы мопедке соғылды. Өкінішке орай, әйел алған жарақаты салдарынан оқиға орнында қайтыс болды», деп хабарлады полиция.

Қылмыстық іс қозғалып, қажетті сараптамалар тағайындалды.