Алматыда таңнан бері нөсер жауын жауып тұр

Қолайсыз ауа райына байланысты коммуналдық қызметтер күшейтілген жұмыс тәртібіне ауысты, деп хабарлайды Arbat.Media.

Мамандардың мәліметінше, тәулік бойы кезекшілік ұйымдастырылған. Жұмысқа 100-ден астам арнайы техника, ондаған мотопомпа мен арнайы көліктер тартылды.

Су басу қаупі бар аумақтар бақылауға алынып, 75 жедел бригада жұмыс істеуде. Жалпы 2700-ге жуық қызметкер жұмылдырылған.

Синоптиктердің болжамынша, алдағы күндері жаңбыр жалғасып, найзағай күтіледі.