Алматыдағы балалар үйіндегі жағдайға байланысты тексеріс басталды

Президент әкімшілігі Алматыдағы балалар үйіндегі жағдайға байланысты тексерісті бастады, деп хабарлайды Arbat.Media.

Комиссия мүшелері тәрбиеленушілермен, мекеме басшылығы және ұжымымен, сондай-ақ білім беру жүйесінің өкілдерімен кездесті.

Тексеру аясында Президент әкімшілігінің өкілдері балалар үйіндегі тұрмыс және тәрбие жағдайымен танысып, іргелес жатқан инфрақұрылым ғимараттарын аралап көрді. Балалар үйін көшіру туралы шешімге қатысты құжаттарды жинау және талдау жүргізіліп жатыр.

Тексеру балалардың құқықтары мен мүдделерін қорғауға басымдықпен жүргізіліп жатыр және қысқа мерзімде аяқталмақ.