Ақмола облысында әкесі мен баласы есірткі зертханасын ашқан

Ақмола облысында ірі есірткі зертхасын ұйымдастырған 54 жастағы ер адам мен оның 26 жастағы ұлы ұсталды, деп хабарлайды Arbat.Media.

ІІМ мәліметінше, әкесі ұлын заңсыз бизнеске тартып, синтетикалық есірткі өндіруді үйреткен. Арнайы операция барысында 200 келі мефедрон, 2 тоннадан астам прекурсор, химиялық реактор, түрлі жабдықтар тәркіленді.

«Тәркіленген есірткілердің нарықтағы құны 5 млрд теңге немесе 10 млн АҚШ долларынан асады. Бұл есірткі заңсыз айналымға түссе, мыңдаған адамның тағдырына балта шабушы еді», - деді ІІМ Есірткі қылмысына қарсы іс-қимыл комитетінің төрағасы Данияр Мейірхан.

Айта кету керек, прекурсор басқа өңірлерге де жеткізілмек болған.