АҚШ азаматтары асырап алған қазақстандық жігіт туған ата-анасын іздейді

АҚШ азаматтары асырап алған қазақстандық жігіт туған ата-анасын іздейді, деп хабарлайды Arbat.Media.

Қарағанды қаласының тумасы Николас Пикколо өзінің биологиялық ата-анасын іздеп, қазақстандықтардан көмек сұрады.

Әлеуметтік желіде Николастың жұбайы жазба жариялады.

Әйелдің айтуынша, Николас 1998 жылы 26 қарашада Қарағандыда дүниеге келген. Туған кезде оған Руслан Өмірзақов деген есім берген. Кішкентай кезінде ол Қарағандыдағы «Малютка» немесе «Шапағат» деп те аталған болуы мүмкін, бірақ бұл туралы нақты ақпарат жоқ.

2003 жылы 19 қаңтарда баланы шетелдіктер асырап алған. Кейін АҚШ-қа қоныс аударған. Николас көп жыл өткен соң өз тегін біліп, биологиялық ата-анасын табу туралы шешім қабылдаған.