Ақтау әуежайында жарылғыш зат бар деп жалған ақпарат таратқан әйел адам ұсталды

Ақтау әуежайында жарылғыш зат бар деп жалған ақпарат таратқан әйел адам ұсталды, деп хабарлайды Arbat.Media.

Ақтау әуежайында «Scat» әуе компаниясының Ақтау–Шымкент рейсінің жолаушысы ұшақта жарылғыш зат бар екенін хабарлап, салдарынан шамамен 200 адам шұғыл эвакуацияланып, әуе кемесі арнайы қызмет тарапынан тексерілді.

Әуежай қызметкерлері мен полицияның мәліметінше, ұшақта 27 жастағы, жанында емізулі баласы бар әйел болған. Ол қону барысында дабыл көтерген. Дегенмен мұқият тексеріс жүргізілгеннен кейін ешқандай жарылғыш зат табылмады.

Маңғыстау облыстық көліктегі желілік полициясы терроризм актісі туралы жалған хабар тарату фактісі бойынша қылмыстық іс қозғады.

Бұдан бөлек, Маңғыстау стансасындағы желілік полиция бөлімінің аға инспекторы Рахым Орынбаев әйелдің психоневрологиялық диспансерде есепте тұрғанын айтты.