Ақтөбе облысында 9-сынып оқушысы босанды

Ақтөбе облысында тоғызыншы сынып оқушысы ана атанды, деп хабарлайды Arbat.Media.

Тергеу шаралары аясында нәрестенің әкесі деген күдікті анықталып, қамауға алынды. Ведомствоның баспасөз қызметінің хабарлауынша, полиция бұл оқиға бойынша қылмыстық іс қозғады.

"Күдікті анықталып, қамауға алынды. Қазіргі уақытта оқиғаның барлық мән-жайын, сондай-ақ қылмысты жасауға ықпал еткен себептер мен жағдайларды анықтау мақсатында сотқа дейінгі тергеу амалдары жүргізілуде", - деді Ақтөбе облысының полиция департаменті өкілдері.

Жедел-іздестіру және процессуалдық шаралардың кешені жүргізілуде. Тергеу барысын полиция департаментінің басшылығы қадағалап отыр.

Оқу-ағарту министрлігінің Бала құқықтарын қорғау комитеті 14 жастағы оқушы қыздың босану оқиғасына байланысты ресми мәлімдеме жасады

Министрліктің мәліметінше, қазіргі уақытта оқушы мен нәрестенің жағдайы тұрақты.

"Қыз балаға қажетті психологиялық көмек көрсетілді. Оқиға бойынша тергеу амалдары жүргізіліп жатыр. Кәмелетке толмағанның мүддесін қорғау мақсатында жағдай өңірлік бала құқықтары жөніндегі уәкілдің бақылауында", - делінген комитет хабарламасында.