Ақтөбе облысында дрон құлап, құрғақ шөп жанып кетті

Ұшқышсыз ұшу аппаратының сынықтары Қарғалы ауданы, Әлімбет ауылының маңынан табылды, деп хабарлайды Arbat.Media.

Аппарат құрғақ шөпке құлаған. Шамамен 500 шаршы метр аумақта шөп жанып кетті. Өртті төтенше жағдайлар департаментінің қызметкерлері сөндірді.

Қазір полиция уәкілетті органдармен бірлесіп, тексеру жүргізіп жатыр.

Әлімбет ауылы Ресей шекарасына жақын орналасқан, Орск қаласының маңында орналасқан.