Ақтөбеде ер адам әжетханаға кірген қызды зорламақ болды

Ақтөбеде ер адам әжетханаға кірген қызды зорламақ болды. Оқиға Ақтөбеде болған, деп хабарлайды Arbat.Media.

Қыз әжетханада болған кезде, есік қағылған. “Бос емес” деп айтқан сәтте белгісіз ер адам есікті бұзып кірген. Сосын қыздың тамағына шанышқы тақап, кеудесін ұстап, үстіндегі киімдерін шешіп, зорламақ болған. Қыз айқайлап, көмекке шақырған. Оның дауысын естіген басқа келушілер әжетханаға жүгіріп келіп, қызды құтқарып, қылмыскерді ұстаған.

Сот мәліметінше, күдікті әйелдер әжетханасына кіріп, қызға шабуыл жасамас бұрын басқа кабиналарды тексерген. Олардың бәрі бос болған. Кейін ол шанышқымен жәбірленуші отырған кабинаның құлпын бұзып кірген.

Күдікті өз кінәсін толық мойындады. Ер адам 6 жылға бас бостандығынан айырылды.