Ақтөбеде оқушылардан ақша алған мұғалім сотталды

Ақтөбеде мұғалім «ҰБТ-дан 80 балл алып беремін» деп, оқушылардың әрқайсысынан 560 мың теңгеден алып алған. Сот мұғалімді кінәлі деп танып, оны 2 жыл 4 айға бас бостандығынан айырды, деп хабарлайды Arbat.Media.

Ақтөбе қаласының №2 соты екі немесе одан да көп адамға қатысты алаяқтық жасады деген айыппен мұғалімге қатысты қылмыстық істі қарады.

Сотталушы жәбірленушінің әрқайсысына 560 000 теңге материалдық шығын келтірген. Сот отырысында сотталушы өзінің кінәсін толық мойындады.

“Сотталушының кінәсі жәбірленушілердің жауаптарымен, банк үзінділерімен, сондай-ақ іс материалдарындағы өзге де дәлелдемелермен толық дәлелденді», — деп хабарлады соттың баспасөз қызметі.