Роза Рымбаеваның келіні қуанышты жаңалығын айтты

Қазақстанның Халық әртісі Роза Рымбаева құдаларымен бірге тағы бір қуанышты тойға қатысты. Әншінің келіні Ақерке Бүркітбайдың сіңлісі ұзатылып, әулет дүбірлі мереке өткізді, деп хабарлайды Arbat.Media.

Қуанышты жаңалықты Ақерке Бүркітбай әлеуметтік желідегі парақшасында жариялап, тойға арнайы келген туған-туыс пен жақындарына алғысын білдірді.

«Ақиісімізді ұзаттық. Тойымызға арнайы келіп, қуанышымызды бөліскен барша қонақтарымызға шын жүректен үлкен алғысымызды білдіреміз!», – деп жазды ол.

Қыз ұзату тойына Роза Рымбаева да қатысып, құдаларының қуанышына ортақтасқан. Өнер иесі жаңа құдаларымен бірге жас жұбайларға ақ тілегін білдірді.