Ас беру кезінде газ баллоны жарылып, үш адам мерт болды

Ақмола облысы Қорғалжын ауданы Сабынды ауылындағы бұрынғы мешітте ас беру кезінде газ баллоны жарылып, 3 адам мерт болды және 16 адам зардап шекті. Оқиға орнына облыс әкімінің бірінші орынбасары барды, - деп хабарлайды Arbat.media.

«Қорғалжын ауданындағы оқиға орнына Ақмола облысы әкімінің бірінші орынбасары Ердос Рамазанов барды. Жергілікті атқарушы органдар барлық қажетті көмек көрсетеді», - деген хабар алдық облыстық әкімдіктің баспасөз қызметінен.

Ақмола облысында бұрынғы мешітте ас беру кезінде газ баллоны жарылып, үш адам мерт болды. Зардап шеккен 16 адам Астана қаласына ауруханаға жеткізілді.