Астанада биыл 5 мыңнан астам ата-ана жауапқа тартылды

Елордада жыл басынан бері кәмелетке толмағандардың түнде ересектерсіз көшеде жүруіне жол берген 5 324 ата-ана мен заңды өкіл әкімшілік жауапкершілікке тартылды, деп хабарлайды Arbat.Media.

Polisia.kz мәліметінше, кезекті түнгі рейд барысында полиция 12–16 жастағы жасөспірімдерді тұрғын үй кешенінің маңында ересектерсіз жүрген жерінен анықтап, оларды ата-аналарына тапсырды.

Полиция Қазақстан Республикасының қолданыстағы заңнамасына сәйкес кәмелетке толмағандарға түнгі уақытта заңды өкілдерінің еріп жүруінсіз тұрғын үйден тыс жерде болуға тыйым салынатынын еске салады.