Астанада экс-қызметкер 14 млн теңге жымқырды деген күдікпен ұсталды

Астанада экс-қызметкер компаниядан қомақты қаржы жымқырған, деп хабарлайды Arbat.Media.

Полицейлер ірі көлемдегі қаржы жымқырды деген күдікпен 28 жастағы ер адамды ұстады.

«Анықталғандай, ол бұған дейін компаниялардың бірінде сату жөніндегі менеджер болып жұмыс істеген және корпоративтік аккаунтқа қолжетімділігі болған. Жұмыстан кеткеннен кейін күдікті бірнеше ай бойы компания қаражатын өз шотына аударып отырған. Компанияға келтірілген жалпы шығын 14 миллион теңгені құрады», - делінген polisia.kz ақпаратында.

Қазіргі уақытта күдікті уақытша ұстау изоляторына қамалды. Аталған дерек бойынша қылмыстық іс қозғалды. Тергеу амалдары жүргізілуде.