Астанада мектеп оқушысы жұмбақ жағдайда жоғалып кетті

Астанада 18 жастағы Ажар Омар жұмбақ жағдайда жоғалып кетті, деп хабарлайды Arbat.media.

Ажар Омар бірнеше күн бұрын Астанадағы Жұбанов көшесіндегі үйінен шығып кеткен, содан бері хабарсыз.

Қыздың жоғалғаны жайлы еріктілер әлеуметтік желілерде жариялады. Олардың айтуынша, Ажар жоғалған кезде үстінде қара шалбар, ақ кофта және көк күрте болған. Ол 11-сыныпта оқиды.

Астана қалалық Полиция департаментінің баспасөз қызметі іздеу жұмыстарының жүргізіліп жатқанын растады. Қазіргі таңда тәртіп сақшылары жедел-іздестіру шараларын жүргізуде: куәгерлерден жауап алып, қыздың айналасындағы адамдарды анықтап, жоғалу жағдайларын зерттеуде.

Ажар Омар жайлы қандай да бір мәлімет білетіндерден полицияға хабарласу сұралады.