Астанада шетел инвесторының мектеп салуына кедергі жасаған

Астанада жергілікті органдар шетел инвесторының 2700 орындық мектеп салуына кедергі жасаған, - деп хабарлайды Arbat.media.

Шетелдік инвестор астанада 150 жұмыс орнын құра отырып, 2700 оқушыға арналған мектеп салмақ болған.

Жалпы инвестиция көлемі - 19 млрд теңге.

Алайда Sabis халықаралық мектебін салуға жергілікті органдар кедергі жасап келген, деп хабарлады Астана прокуратурасы. 

Уәкілетті орган ұзақ уақыт бойы инвестициялық жобаны іске асыруға қажет Нұра-Есіл каналында су қорғау аймағы мен белдеуін белгілеу жөнінде рұқсат құжатын бермеген.

Астана қаласының прокуратурасы қабылдаған шаралардан кейін инвестор мәселесі шешілді.