Астанада сыныптардың қашықтан оқу мерзімі ұзартылды

Астанада сыныптардың қашықтан оқу мерзімі ұзартылды, деп хабарлайды Arbat.Media.

Бұл сыныптағы балалардың 30%-ы немесе одан көбі жедел респираторлық вирустық инфекциялармен ауырған жағдайда қабылданып отырған шара.

Қаулыға Астананың бас санитарлық дәрігері қол қойды.

Өткен аптада тіркелген жағдайлардың жалпы санының 25%-ы мектеп оқушылары болды — 3430 жағдай.

Алдыңғы аптамен салыстырғанда, Астана тұрғындары арасындағы ауру жұқтыру деңгейі 1,7 есеге төмендеді.

Сондай-ақ білім мен денсаулық басқармаларына келесі тапсырмалар берілді:

• эпидемиологиялық жағдайдың тұрақталуына дейін, сыныптағы оқушылардың жалпы санының 30 % немесе одан көп бөлігінде ЖРВИ жағдайлары тіркелген кезде, оларды қашықтан оқыту форматына көшіру;
• бір инкубациялық кезең ішінде бір сыныптағы оқушылардың жалпы санының 20-30%-ында ЖРВИ жағдайлары тіркелген кезде жалпы білім беретін ұйымдарда кабинет жүйесі жойылады және он күнтізбелік күн бойы сыныптарға жаңа балаларды қабылдауға тыйым салынады;
• әр ауысым алдында "таңғы сүзгіні" жүргізу, жедел респираторлық ауру белгілері бар мектеп оқушылары мен мектепке дейінгі ұйымдарға баратын балаларды, сондай-ақ педагогтарды сабаққа жібермеу; балалар мен жасөспірімдерді тәрбиелеу және білім беру объектілерінде топтық оқшаулауды сақтау;
• бұқаралық (мәдени, мерекелік және спорттық) іс-шараларды өткізуді тоқтату.