Астанада телефон мен дәрі ұрлаған екі жас жігіт ұсталды

Астанада жедел-іздестіру шаралары барысында 19 және 22 жастағы екі ер адам ұсталды. Полиция олардың екі ұрлыққа қатысы барын анықтады.,деп хабарлайды Arbat.Media

Күдіктілер Әлихан Бөкейхан көшесіндегі автосервис аумағынан iPhone 15 Pro Max телефонын ұрлаған. Олардың әрекеті бейнебақылау камераларына түсіп қалған. Осы жазбалар арқылы полицейлер күдіктілердің кім екенін анықтады.

Кейін тексеру барысында ұсталғандардың Қабанбай батыр даңғылындағы дәріханадан дәрілік заттарды ұрлауға да қатысы бары белгілі болған.

Қазір екі күдікті де уақытша ұстау изоляторына қамалды. Аталған фактілер бойынша сотқа дейінгі тергеу жүріп жатыр.