Ата-анасы жоқ жасөспірімді бірнеше жігіт зорлаған

Алматы облысында 15 жастағы 9-сынып оқушысы бірнеше жігіттің зорлығына ұшыраған. Қыздың айтуынша, оқиға екі айға жуық уақытқа созылған, деп хабарлайды Arbat.Media.

Жасөспірім әлеуметтік желі арқылы жігіттердің бірімен танысқан. Кейін ол қызға түнде хабарласып, сыртқа шықпаса, сөйлескендерін ағасына айтып қоятынын айтып қорқытқан. Ағасынан ұялып, қорыққан қыз сыртқа шығуға мәжбүр болған.

Осыдан кейін күдікті оны көлігіне отырғызып, зорлаған. Артынша қыздың телефон нөмірін басқа жігіттерге таратып жіберген. Содан кейін жасөспірім бірнеше адамның бопсалауына ұшырап, олардың қысымынан шыға алмай қалған.

Алдын ала мәлімет бойынша, 16-26 жас аралығындағы бірнеше жігіт қыздың шарасыз жағдайын пайдаланып, оны екі ай бойы зорлап келген.