Атырау облысында 6 айлық сәби ауруханаға жетпей көз жұмды

Атырау облысында 6 айлық сәби ауруханаға бара жатқан жолда көз жұмды, деп хабарлайды Arbat.Media.

Ата-анасының айтуынша, оларға санитарлық авиация берілмеген.

Баланың жағдайы бастапқыда отит пен жоғары температурадан басталған. Алайда дәрігерлер ұзақ уақыт нақты диагноз қоя алмай, дер кезінде ем тағайындалмаған.

Сәбидің жағдайы күрт нашарлаған соң, отбасы оны өз көліктерімен облыстық ауруханаға жеткізуді ұйғарған. Жол шамамен алты сағатқа созылған.

Өкінішке қарай, нәресте аурухана кіреберісінде көз жұмған.