Атырау облысындағы жаппай төбелестен кейін сегіз жасөспірім ұсталды

Облыстың Сағыз ауылында түрлі шағын аудандардан келген жасөспірімдер арасында жаппай төбелес болды, деп хабарлайды Arbat.Media.

Жергілікті тұрғындардың айтуынша, мұндай қақтығыстар соңғы кезде жиі қайталанатын мәселеге айналып, үлкен алаңдаушылық туғызып отыр.

Облыстың ІІД мәліметінше, төбелестен кейін сегіз кәмелетке толмаған бала ұсталды.

Олардың ата-аналарына қатысты түнгі уақытта тыныштықты бұзғаны үшін әкімшілік хаттама толтырылды. Жасөспірімдердің өздерімен профилактикалық әңгімелер өткізілді».

Медициналық көмекке ресми түрде ешкім жүгінбесе де, тұрғындар мұндай жанжалдар жүйелі қайталанатын жағдайға айналғанына наразы.

«Жасөспірімдер бірінші рет төбелесіп отырған жоқ. Бұл өзіндік «дәстүрге» айналды - бір шағын аудан екіншісіне қарсы. Ересектер де, балалар да мұны ойын ретінде қабылдайды. Бірақ жағдай өршіп барады. Полиция келеді, профилактика жүргізеді, сонымен бір біте салады. Ал бір айдан кейін тағы да дәлме-дәл қайталанады», - деді ауыл тұрғындарының бірі.