Балконда пышақ ұстап тұрып айқайлаған ер адам елді шошытты

Ақтауда балконнан айқайлап, қолына пышақ ұстаған ер адам жындыханаға жатқызылды, деп хабарлайды Arbat.media.

Әлеуметтік желіде Ақтауда көпқабатты үйлердің бірінің балконындағы ер адамның әрекеті түсіп қалған видео тарады. Ол видеода ер адамның қолына пышақ ұстап алып айқайлап тұрғанын байқауға болады.

Қалалық полиция бастығы Айдар Қасановтың айтуынша, ер адам психиатрда есепте тұрады. Ол тез оқшауланды. Видеода ол үшінші қабаттың балконында пышақпен тұрып, айқайлап, әйелді қайтадан пәтерге итеріп жіберген.