Балқаш ЖЭО-сы заң бұзды

Балқаш ЖЭО-сы экологиялық заңбұзушылықтар үшін 21 млн теңгеге жуық айыппұл төледі, деп хабарлайды Arbat.Media.

Kazakhmys Energy ЖШС-не қарасты Балқаш жылу электр орталығы жоспардан тыс экологиялық тексеріс нәтижесінде 21 млн теңгеге жуық айыппұлға тартылды.

Тексеру барысында кәсіпорынның күл аралас ағын суларды рұқсатсыз апаттық тоғанға ағызғаны анықталды.

Сондай-ақ экологтар Балқаш көліне баратын арналардың бүлінгенін және қорғаныш қоршауларының жоқ екенін тіркеді. Компанияға анықталған заңбұзушылықтарды жою туралы нұсқама берілді. Айыппұл толық көлемде төленді.