Балқашта баланы соққыға жыққан «Қазақмыс» қызметкері екі айға қамалды

Балқашта баланы ұрып-соғып, азаптады деген күдікке ілінген «Қазақмыс» қызметкері екі айға қамауға алынды, деп хабарлайды Arbat.Media.

Қарағанды облысының полиция департаменті, 8 жастағы баланы қорлаған ер адамның ұсталып, қамалғанын мәлімдеді.

"Күдікті ұсталып, уақытша ұстау изоляторына қамалды. Сот екі айға қамауға алуға рұқсат берді», деп хабарлады облыстық ПД.

Айта кетейік, 4 тамызда Балқаш тұрғыны 8 жастағы баласын «Қазақмыс» қызметкері соққыға жыққанын айтты. Полиция кәмелетке толмағанға дене жарақатын келтіру фактісі бойынша сотқа дейінгі тергеуді бастады.

Көп ұзамай ер адам баланың жас қызына жыныстық қатынас жасауға тырысқанын мәлімдеді. Полиция екі тараптың нұсқалары мен дәлелдерін тексеріп жатқанын атап өтті.

Бала құқықтары жөніндегі уәкіл Динара Закиева баланың анасымен байланыста екенін айтты. Күдікті жұмыс істейтін «Қазақмыс» компаниясы да бұл оқиғаға түсініктеме беріп, тергеуге жан-жақты жәрдемдесуге уәде берді.