Бердіқұлов атындағы Үздік спорт журналисі байқауына өтінім қабылдау басталды

ҚР Туризм және спорт министрлігінің Спорт және дене шынықтыру істері комитеті 2024 жылдың 1 желтоқсанына дейін спорт тақырыбына маманданған БАҚ өкілдері арасында белгілі қаламгер, көрнекті көсемсөз шебері, қазақ спорт журналистикасының негізін қалаушы Сейдахмет Бердіқұлов атындағы дәстүрлі байқауға материалдар қабылдау басталғанын жариялады, - деп хабарлайды Arbat.media.

Конкурс жыл сайын желтоқсан айының екінші жартысында үш номинация бойынша өткізіледі, - деп жазады Kazinform агенттігі.

1. «Үздік спорттық телевизиялық репортаж»;2. «Үздік спорттық жарияланым»;3. «Үздік спорттық фоторепортаж».

Өтініштер мен мақалалар Астана қаласы, Мәңгілік ел көшесі, 8 үй, 6 қабат, Спорт және дене шынықтыру істері комитетінің баспасөз қызметіне немесе sportpress86@mail.ru электрондық поштасы арқылы («2024 жылғы С. Бердіқұлов атындағы байқауға» деген белгімен) қабылданады.

Қабылдау мерзімі – 2024 жылдың 1 желтоқсанына дейін.