«Бестеректегі көлік апаты»: Жарақат алған балалардың жағдайы ауыр

Бестерек ауылында болған көлік апатында екі отбасы кішкентай бүлдіршіндерінен айырылып қалды, деп хабарлайды Arbat.Media.

Ауыр жарақаттан көз жұмған балалардың кішісі 2-де, үлкені 8 жаста.

Қайғылы жағдай үйдің жанында болған. Шамамен 10 метр жерде кетіп бара жатқан көлік жолдан шығып кетіп, ауланың ішінде алаңсыз ойнап отырған 6 баланы қаққан.

Қазір ауыр жарақат алып, Астанаға санавиациямен жеткізілген екі баладан бөлек, аудандық ауруханада 9 жасар қыз өмір мен өлімнің арасында жатыр. Жағдайы өте ауыр, дейді мамандар.

Куәгерлер жүргізуші көлік басқарып келе жатқанда талмасы ұстап қалған дейді. Ол 2 айға қамауға алынды. 55 жастағы күдікті сол ауылдың тумасы. Ол 20 жыл автобус тізгіндеген тәжірибелі жүргізуші болған.