Бүгін елордада оқушылар қашықтан оқиды

Елордада 6 ақпан күні ауа райының қолайсыздығына байланысты бірінші ауысымда оқитын 0-9 сынып оқушылары қашықтан оқиды, деп хабарлайды Arbat.Media.

Бұл туралы Астана қаласы білім басқармасының баспасөз қызметі мәлімдеді.

«2026 жылғы 6 ақпан күні ауа райының қолайсыздығына байланысты бірінші ауысымдағы 0-9 сынып оқушылары қашықтан оқыту форматына ауыстырылады», - деп жазылған ақпаратта.

Синоптиктер Астанада дауылды ескерту жариялады. 6 ақпанда қалада қатты жауын-шашын, көктайғақ және тұман күтіледі.