Бұрынғы Әділет министрі Марат Бекетаев 9 жылға сотталды

Бұрынғы Әділет министрі Марат Бекетаев 9 жылға сотталды, деп хабарлайды Arbat.Media.

Бұл туралы Сыбайлас жемқорлыққа қарсы іс-қимыл агенттігінің ресми өкілі Данияр Бигайдаров баспасөз мәслихатында айтты.

«Бұрынғы Әділет министрі Марат Бекетаев 9 жылға бас бостандығынан айырылып, мүлкі тәркіленді. Қылмыстық іс алаяқтық, аса ірі мөлшерде ұрлық жасау, кәсіпкерлік қызметке заңсыз қатысу фактісі бойынша тергелді», - деді Данияр Бигайдаров.

Еске салайық, Марат Бекетаев 2023 жылдың қазан айында қамауға алынды. Оған лауазымдық өкілеттілігін асыра пайдаланды деген айып тағылған еді.