Былтыр Қазақстанда 4 млннан астам бала профилактикалық тексеруден өтті

2025 жылы Қазақстанда 4 миллионнан астам бала профилактикалық тексеруден өтті, деп хабарлайды Arbat.Media.

Балаларды сауықтыру бағдарламалары аясында 2025 жылы Қазақстанда 4 млн-нан астам балапрофилактикалық тексеруден өтті. Оның ішінде 2 млн-нан астам бала аудиологиялық скринингтен және психофизикалық дамумен, 300 мыңнан астам бала неонаталдық, ал 13 мыңға жуық бала офтальмологиялық скринингпен қамтылды.

Балаларға медициналық көмектің қолжетімділігі мен сапасын арттыру мақсатында емханаларда 209 педиатриялық бөлімше және 290 даму мен ерте араласу орталығы ашылды. Нәтижесінде 50 мыңнан астам бала тұрғылықты жері бойынша қажетті медициналық көмек алды.