Цифрлық ақша банк қосымшаларында қолжетімді болады

Цифрлық теңгені пайдалану үшін жаңа банк картасын алудың қажеті жоқ, деп хабарлайды Arbat.Media.

Ол күнделікті қолданатын банк қосымшаларында қолжетімді болады.

Яғни мобильді қосымша арқылы цифрлық әмиян ашып, сол жерде ақшаңызды цифрлық теңгеге айырбастауға болады.

Тағы бір артықшылығы – интернетсіз төлем жасау мүмкіндігі. Қазір байланысы нашар жерге барсақ, төлем жасау қиындайды. Ал цифрлық теңгенің оффлайн режимі осы мәселені шешеді. Бұл функция төтенше жағдай кезінде де қолайлы.