«Елге көмек» қайырымдылық қорының жетекшісі ұсталды

Әлеуметтік желіде qazaq_robin_hood лақап атымен танымал Ілияс Сариев ұсталды, деп хабарлайды Arbat.media Orda.kz сайтына сілтеме жасап.

Бұл туралы заңгер Нұрсұлтан Орынбеков әлеуметтік желідегі парақшасында жазды.

«Қазақ Робин Гуд — Ілияс Сариев алаяқтық бабы бойынша ұсталды», - деп жазды заңгер.

Алматы қалалық полиция департаменті ақпаратты растады.

«Алмалы аудандық ПБ-на қарасты полиция бөлімі алаяқтық дерегі бойынша қылмыстық іс қозғады.

Жан-жақты және объективті тергеуге бағытталған бірқатар тергеу шаралары жүргізілуде.

Олардың қорытындысы бойынша процессуалдық шешім қабылданатын болады», — деп хабарлады ПД.