“Ер адам ертіп кеткен”: Құлсарыда 8 жастағы оқушы қыздың мәйіті табылды

Құлсары қаласында 8 жастағы жоғалған қыз бала өлі табылды, деп хабарлайды Arbat.Media.

Жас қыз шамамен түскі уақытта үйден шығып кеткен, бірақ қайтып оралмаған. Туыстары сағат 21:28-де полицияға жүгінген.

Іздеу жұмыстарына төтенше жағдайлар қызметі де қосылып, барлық бейнебақылау камералары тексерілген.

Өкінішке қарай, 6 маусымға қараған түні сағат 02:19-да қыздың денесі Күрсай арнасынан табылды.

Бұл туралы Атырау облысы полиция департаментінің баспасөз қызметі хабарлады.

Қазіргі таңда сот-медициналық сараптама тағайындалды, ресми өлім себебі әлі анықталған жоқ.

Полиция жалған ақпарат таратпауға және ресми тергеу нәтижелерін күтуді сұрайды.