Ер адам өгей қызына шарап ішкізіп зорлаған

Абай облысында ер адам өгей қызына шарап ішкізіп, зорлағаны белгілі болды, деп хабарлайды Arbat.media.

Ол өгей қызына жасаған зорлық-зомбылығы үшін өмір бойына сотталды.

Тергеу мәліметі бойынша аАзамат С. әйелінің жоқтығын пайдаланып, 12 жасар өгей қызына шарап ішкізіп, зорлаған.

Сот хабарламасында айтылғандай , ол диванда жатып, телефондағы фильмді көру үшін қызды қасында жатуға шақырған. Баланың қарсылығына және айқайына қарамастан, ол күш қолданып, киімін шешіп, зорлаған.

Сот қылмыстық кодекстің 121 — бабының 4-бөлігі - жыныстық сипаттағы зорлық-зомбылық бойынша сотталушыны кінәлі деп тапты. Прокурордың сұрауымен, ер адам қатаң режимдегі колонияда өмір бойына бас бостандығынан айырылды.