ІІМ: Алаяқтар банк чаттарының көшірмесін жасап жатыр

ІІМ алаяқтар құқық қорғау органдары мен банктердің чат-боттары мен ресми сервистерінің көшірмесін жасап жатқанын ескертті, деп хабарлайды Arbat.Media.

Олар азаматтарды түрлі сылтаумен «қауіпсіз шоттарға» ақша аударуға көндіріп, жалған хабарламалар мен құжаттарды пайдаланады. Сондай-ақ ұқсас фото, аудио және видео материалдар арқылы адамдардың атынан туыстары мен таныстарынан ақша талап ететін жағдайлар тіркелген.

Банк қызметкерлері мен құқық қорғау органдары ешқашан телефон немесе бейнеқоңырау арқылы ақша аударуды сұрамайды және құпия деректерді талап етпейді. Күдік туындаған жағдайда полицияға дереу хабарлау қажет.