Кәсіпкер Сәуле Базархан пластикалық ота кезінде көз жұмды

Кәсіпкер Сәуле Базархан пластикалық ота кезінде көз жұмды, деп хабарлайды Arbat.Media.

Мәліметке сәйкес, әйелге абдоминопластика жасалған. Бұл іш аймағын түзетуге арналған хирургиялық ота. Ота кезінде артық тері мен май алынып, іш бұлшықеттері тартылып тігіледі. Мұндай ота көбіне босанған соң немесе қатты арықтаған адамдарға жасалады.

Қазір өлімнің нақты себебі ресми түрде жарияланған жоқ. Ал полиция қылмыстық іс қозғап, клиника уақытша жабылған.

Полиция мәліметінше, Алматы қаласының 53 жастағы тұрғыны 15 мамыр күні көз жұмған. Қазір іс бойынша сотқа дейінгі тергеу жүріп жатыр. Тергеушілер қажет сараптамалар жүргізіп, оқиғаның мән-жайын анықтап жатыр.