Луврда бағалы зергерлік бұйымдар ұрланды

Жексенбі күні таңертең белгісіз біреулер Париждегі Лувр музейін тонап кетті, деп хабарлайды Arbat.Media.

Зергерлік бұйымдар мен басқа да құнды дүниелерді ұрлауға қарақшылар небәрі жеті минут жұмсаған.

Прокуратура жоғалған заттардың тізімін жариялады. Олардың арасында Наполеон Бонапарттың әйелінің алқасы мен сырғалары, король Луи-Филипп Біріншінің жұбайы мен Наполеон Үшіншінің анасы және императрица Евгения киген тәждер бар.

Қолды болған қазынаның жалпы құны әзірге белгісіз. Қазір тергеу жүріп жатыр.