Маңғыстау облысында ер адам танысын қарызға ақша бермегені үшін пышақтап кетті

Маңғыстау аудандық сотының мәліметіне зер салсақ, оқиға көлік жуатын орындардың бірінде болған, деп хабарлайды Arbat.Media.

Ер адам танысынан қарыз сұрағанда, зардап шеккен адам «ақшам жоқ» деген. Сол сәтте айыпталушы пышағын қолына алып, оның сол жақ жамбасына сұққан.

Қазақстан Республикасының ҚК 293-бабының 3-бөліміне сәйкес, ер адам суық қару қолданып, бұзақылық жасағаны үшін айыпталды. Прокурор оған төрт жыл сегіз айға бас бостандығынан айыру жазасын тағайындауды сұрады.