Маңғыстау облысында сарбаз көз жұмды

Маңғыстау облысындағы «Бейнеу» полигонында мерзімді әскери қызметтегі сарбаз қаза тапты, деп хабарлайды Arbat.Media.

17 ақпанда далалық атыс жаттығулары кезінде Құрлық әскерлері «Батыс» өнірлік қолбасшылығының мерзімді қызметтегі әскери қызметшісі қайтыс болды.

Ол қаруды пайдалану барысында оқ жарақатын алып, оқиға орнында көз жұмды.

Қылмыстық іс қозғалды.

Қорғаныс министрінің тапсырмасы бойынша оқиға орнына Қорғаныс министрінің орынбасары Шайх-Хасан Жазықбаев бастаған комиссия жіберілді.