Маңғыстау тұрғыны полицияның көзінше өзін өртеуге тырысты

Маңғыстау облысында ер адам полиция қызметкерлерінің көзінше өзін өртемек болды, деп хабарлайды Arbat.Media.

Патрульдік полиция қызметкерлері тас жол бойында қозғалыс ережесін бұзған жүргізушінің көлігін тоқтатады. Ер адам әкімшілік жауапкершілікке тартылған.

Кейін ер адам полиция бөлімінің бақылау-өткізу бекетіне келіп, қызметкерлердің әрекетіне наразылық білдірген. Бақылау-өткізу пунктінде ол өзіне сұйықтық құйып, өртемек болды.

Полиция қызметкерлері оның әрекетінің алдын алып, ер адамды медициналық мекемеге жеткізді.

«Оқиғаға қатысты қылмыстық іс қозғалды. Тергеу амалдары жүргізіліп, барлық мән-жай анықталып жатыр», - деп хабарлады облыстық полиция департаменті.