“Найзағай ойнап, жаңбыр жауады”: 6 маусымға арналған ауа райы болжамы

Мамандар 6 маусымға арналған ауа райы болжамын ұсынды, деп хабарлайды Arbat.Media.

Циклон және атмосфералық фронталды бөлімдердің әсерінен еліміздің басым бөлігіне найзағай ойнап, бұршақ аралас жаңбыр жаууы мүмкін. Батыста, солтүстік-батыста, солтүстікте бұршақ, ал батыс аймақтарда жаңбыр жауады.

Сонымен қатар республика бойынша жел күшейіп, елдің оңтүстігінде шаңды дауыл соғуы мүмкін. Орталықта және шығыста күн ашық болады. Түнгі және таңғы уақытта солтүстікте, солтүстік-батыста тұман түседі.

Астанада күн ала бұлтты. Ауа температурасы +28+30°С, желдің жылдамдығы түнде 1-6, күндіз 9-14 м/с-ге жетуі мүмкін.

Алматыда күн ала бұлтты. Ауа температурасы күндіз +32+34°С, желдің жылдамдығы 3-8 м/с.

Шымкентте күн ала бұлтты. Ауа температурасы +35+37°С, желдің жылдамдығы 8-13, күндіз екпіні 15-20 м/с.