Назарбаевтың жиен немересі Дубайда туған күнін дүркіретіп тойлады

Қазақстанның экс-президенті Нұрсұлтан Назарбаевтың жиен немересі Нұрәлі Әлиев 41 жасқа толған туған күнін Дубайда атап өтті, деп хабарлайды Arbat.Media.

Салтанатты кеште түсірілген видеоларды Нұрәлі Әлиев Instagram парақшасында жариялады. Туған күн кешіндегі суреттерден 13 жастағы қызы Амира, үлкен ұлы Алан Нұрәліұлы және ықпалды әулет өкілі Адина Имашева байқалған.

Мереке люкс-индустрия назарынан да тыс қалмады. Іс-шара кадрларын элиталық ивенттерді ұйымдастырумен айналысатын танымал продюсер Николас Броше те жариялады. Ол салтанатты кештің ұйымдастырушысы болуы мүмкін.

Нұрәлі Әлиев Forbes нұсқасы бойынша Қазақстандағы ең бай 75 бизнесменнің қатарына кіреді.