Непалдағы алапат су тасқыны салдарынан 380-нен астам турист хабар-ошарсыз кеткен

Непалда болған су тасқыны салдарынан 380-нен астам турист хабар-ошарсыз кеткен, деп хабарлайды Arbat.Media.

Оның ішінде 291-і шетел азаматы, ал 93-і Непал азаматтары. Бұл туралы елдің Туризм басқармасы хабарлады.

Ведомствоның мәліметінше, жоғалғандар арасында 100-ден астам Үндістан азаматы, 17 малайзиялық, 12 британдық, төрт Оңтүстік Африка азаматы, үш америкалық, бір австралиялық және бір нидерландтық бар. Тағы 111 адамның азаматтығы әзірге анықталмаған.

Сәрсенбі күні Тибет тауларынан бастау алатын Бхоте-Коши өзеніндегі су деңгейінің күрт көтерілуінен Непалдың Расува округіне күшті су тасқыны болған. Мамандардың айтуынша, су тасқынына мұзды көлдің жарылуы себеп болуы мүмкін.